გამოვკვებოთ ცხოველები

დიდი ხანია მაქვს ეს იდეა, რომ შევიძინოთ რაღაც ოდენობის სოსისი და ძაღლის/კატის საკვები, შემდეგ გავიაროთ ქუჩებში, მოვძებნოთ ცხოველები და გამოვკვებოთ ისინი.

ახლა ჩვენი თანადედამიწელი – მელიას ბლოგზე რომ შევედი, წავიკითხე ისტორია დასუსტებულ ცუგოზე და ვიფიქრე, იქნებ შევიკრიბოთ და ცოტა მასობრივი ხასიათი მივცეთ ამ ყველაფერს.

ეს წინადადება ასევე წამოვაყენე წინა კვირას, როცა შევხვდი ადამიანებს, რომლებსაც უპატრონო ცხოველთა პრობლემის გადაჭრა სურთ. თუმცა მათი მიზანი მასობრივი სტერილიზაცია და ევთანაზიაა, და ჩემი შემოთავაზება კატეგორიულად უარყვეს.

მოკლედ რას ფიქრობთ ამაზე? ძვირი არ დაჯდება. 1 სოსისი 35–40 თეთრი ღირს, სპეციალური საკვები კი კილო 2–3 ლარი.

მოდით ერთად დავხვეწოთ ეს იდეა. და იქნებ პერმანენტული ხასიათიც მიიღოს :)

..

video dedamicaze

dedamicis dges dagvianebit gilocavt. gtavazobt animacias, romelic asaxavs tu ratom aris aucilebeli erti dgit mainc sakutar saqciels davufikrdet da gavatvicnobierot rom arafrit ar ganvsxvavdebit chveulebrivi parazitebisagan. chemi azrit es video gacilebit ufro seriozulia vidre chans: http://www.aniboom.com/Player.aspx?v=1224

Type rest of the post here

..

დედამიწის დღე

მოგესალმებით ყველას, ვინც ამ ბლოგის წევრები ხართ ან თუნდაც უბრალოდკითხულობთ ამ ბლოგს. მინდა ყველას მოგილოცოთ 22 აპრილი, დედამიწის საერთაშორისო დღე და გისურვოთ რომ არ დაეკარგოს, არასოდეს, ის სილამაზე რაც გააჩნია. ეს პლანეტა მართლაც
რომ უნიჭიერესი მხატვრის უდიდეს ნაშრომს წარმოადგენს, ის სავსეა ულამაზესი ფერებითა და ულამაზესი პეიზაჟებით. ზოგისთვის დედამიწა უბრალოდ საცხოვრებელია, მაგრამ ეს ასე არ არის, დედამიწა არის ათასი საიდუმლოთი მოცული დიადი ქმნილება რომელზე მოხვედრაც მხოლოდ რჩეულთა ხვედრია. ასე რომ გიხაროდეთ, თქვენ შეგიძლიათ დედამიწა
ნახოთ და ნუ დაკარგავთ დროს, ჩვენი სიცოცხლე დედამიწაზე პატარაა და რთულია ყველა წერტილის ნახვა. გილოცავთ კიდევ ერთხელ და გთხოვთ რომ გავუფრთხილდეთ ამ
ულამაზეს პლანეტას.

..

უსახლკარო ცხოველების პრობლემა

გუშინ თბილისის იპოდრომზე შედგა ენთუზიასტთა პირველი შეხვედრა. ერთობლივი მსჯელობის შედეგად გადაწყდა, რომ დაიწერება პროექტი, რომელიც გაეგზავნება სხვადასხვა უცხოურ საზოგადოებებს, რომლებიც შესაძლოა დაინტერესდნენ ჩვენი პრობლემით.

ენთუზიასტების მთავარი მიზანია, რაც შეიძლება ბევრ ძაღლს გაუკეთდეს სტერილიზაცია. ამით შემცირდება მათი მომდევნო თაობების რიცხვი.
ასევე იგეგმება ავადმოფი ძაღლების ევთანაზია.


რას ფიქრობთ ამ საკითხთან დაკავშირებით?

..

მწვანე ჩანთა

წელს მსოფლიო მაშტაბით პროდუქტების მრავალჯერადი ჩანთების აქცია ტარდება, რითიც ხელი ეწყობა პოლიეთილენის ცელოფნების ნაკლებად გამოყენებას.
სასიამოვნოდ გამიკვირდა რომ საქართველოც მონაწილეობს ამ აქციაში. ეს ჩანთა "Goodville"–ში შევიძინე 4 ლარად. აწი ყოველთვის რუკზაკში მედება და შევეცდები შევამცირო ერთჯერადი ცელოფნების ხარჯვა მაღაზიებში.

რას ფიქრობთ ან რა გსმენიათ ამ აქციის შესახებ?

..

დაეხმარეთ მათ

არავინ არ არის ისეთი საცოდავი, როგორც უპატრონო ცხოველი. ადამიანი, თუნდაც უპატრონო, ყოველთვის მოძებნის გზას რათა თავი გადაირჩინოს.
მას შეუძლია ითხოვოს, თუნდაც, დახმარება და მოწყალება, სხვა ადამიანებისგან. შეუძლია იმუშაოს და ასე იშოვოს სარჩო. ცხოველებს არც შრომა და არც მოწყალების თხოვნა შეუძლიათ. ისინი დამოკიდებულები არიან ადამიანების შეგნებასა და გულმოწყალებაზე. ნუ იქნები შეუგნებელი და ნუ გაწირავ მათ, რომლებიც ცდილობენ მუდამ დაგვეხმარონ, გაგვამხიარულონ და დაგვიცვან, სიცოცხლის ფასადაც კი. მათ ადამიანებისგან ბევრი არაფერი ჭირდებათ, ისინი ადამიანებისგან სითბოსა და საკვებს ითხოვენ მხოლოდ. ნუ დატოვებთ მათ მარტო და ნუ გაწირავთ მათ მუდმივი შიმშილის, ტკივილის, სიცივის, ტანჯვისა და სიკვდილისთვის. ისინი ადამიანთან ერთად შეიქმნდენ და ადამიანი ვალდებულია იზრუნოს მათზე. ნუ გგონიათ, რომ მათ გრძნობები არ აქვთ, ისინი ხშირად ტირიან, შეიძლება ეს ადამიანებმა ვერც დაინახონ ან არ დაინახონ, მაგრამ დამიჯერეთ ძალიან ცოტაა საჭირო მათი გულების გასახარებლად და მათთვის ცხოვრების შესაცვლელად. ნუ დაივიწყებთ მათ, რადგან მათ მუდამ ახსოვხართ თქვენ...

http://forum.ge/?f=72&showtopic=33839950

..

ავაშენოთ თავშესაფარი!

თბილისის ფორუმზე ( forum.ge ) ვისაც ჩვენი უსახლკარო ცხოველების ბედი აწუხებს, საერთო ძალებით თავშესაფრის აშენებას განიხილავენ.
ამ ლინკით გადახვალთ თემაში, სადაც შესაძლოა თქვენი თანამოაზრე აღმოაჩინოთ და შეძლებთ შეუერთდეთ ენთუზიასტებს :)
დავეხმაროთ უპატრონო ცხოველებს

..